Barean'i Madagasikara

Hafa ihany mantsy ny misy an'ity vodilaharana havia ao amin'ny Pau ity. Na dia Ligue 2 aza ny ekipa hilalaovany dia hita fa tena voafehiny ny asany. Azo antoka noho izany ny hiantsoana azy amin'ireo lalao roa hihaonana amin'ny Comores sy Tonizia.Vahaolana iray aloha izao giverenan'i Boto izao satria betsaka ireo tsy manana klioba hany ka na i Loic Lapoussin izay vao niala tao amn'ny Union Saint Gilloise aza mbola tsy fantatra raha hijoro. Ny loza dia i Sonny Laiton izay hita fa tena tsara nefa efa tsy milalao ao Auxerre intsony ka mbola tsy manana klioba aloha hatreto toa an'i Marco Ilaimaritra, El Hadary ary i Ibrahim Amada. Mihatery izany ny safidy ho an'i Roro Rakotondrabe nefa ny lalao mandeha ary izao aza dia fantatra fa lasa faha 105 eran-tany i Madagasikara.Nihena laharana iray izany saingy tsy mahalenatra raha mitahy amin'ny laharantsika eran-tany eo amin'ny lafiny ekonomika sy fandriampahalemana izay mametraka an'i Madagasikara ho gidany.
Clément RABARY