Sport

Mbola nanamarika iny fihaonana ny sabotsy iny i Mathias M'Madi izay namono baolina be indrindra. Nahafaty baolina 28 izy raha nijanona ho 21 ny an'ilay Amerikanina Tro Johnson. Toa izany koa i Lova Andriatsarafara izay nahasakana baolina 11 mitovy amin'ilay bonkona be Awaka. Mbola i Mathias M'Madi ihany koa no nampiditra baolina betsaka indrindra raha nihaona tamin'ny Liban ny alahady. 34 ny baolina matiny raha 22 kosa ny an'i Lova kapiteny. Tena nataon'ny Ankoay tsy nisotro rano ireto Liban ireto. Nanova filalao ry Mémé Randria ka nisafidy ny fanaon'ireo Amerikanina izay nanao iray sy iray nandridritry ny ampaha-,potoana voalohany. Somary niova indray ny fidirana fahatoa ka lasa efatra misikatra izay noararaoton'ny ankilany hanenana ny isa .Nifoha indray anefa ry Jerry sy Donovan ka nanomboka tataka ny isa. Teo amin'iny lazon'ady izany no bampiseho ny fahaizany ny Malagasy Miakatra eo amin'ny laharana fahatelo izany ny Ankoay satria resin'i Slovenia amin'ny elanelanisa (goal average). Ireto avy any Slovenia ireto no hifandona amin-dry Mathias anio tolakandro amin'ny 4 ora. Marihina fa samy tafakatra amin'ny 1/4dalana moa ny rehetra saingy raha izao no toerany dia mihaona amin'ny faharoa atsy amin'ny ilany ny Ankoay.
Clément RABARY