airtel

Sport

18-mars-2025

Faneva Ima, Voavy Paulin, Abel Anicet,…

Hifampitsapa amin’ireo kalaza iraisampirenena hatrizay!

Sample post image

Ny 26 martsa 2025 izao no fotoana amin’ny antsoina hoe «Match de gala pour la jeunesse»,

18-mars-2025

izay lalao ara-pirahalahiana goavana eo amin’ny taranja baolina kitra ka hifampitsapa amin’ireo kalazan’ny baolina kitra iraisampirenena hatrizay ireo kintan’ny ekipam-pirenena malagasy nitety vanim-potoana ihany koa na ireo antsoina hoe «All stars Madagascar». Isan’ireo nasaina hoavy, raha ny fampahafantarana nataon’ny federasionina malagasy na FMF, moa ireo kapitenin’ny ekipam-pirenena malagasy teo aloha toa an-dry Faneva Ima sy Abel Anicet. Toy izany koa ireo kintan’ny CAN 2019 hafa toa an-dry Pascalio Razak na Bapasy sy Voavy Paulin. Ho an’ireo mpilalao iraisampirenena vahiny kosa dia nasaina hoavy hilalao amin’io fotoana io ireo kintana frantsay ny taona 1998 sy 2000 toa an-dry Robert Pires sy Christian Karembeu. Eo koa ireo kintana afrikanina nitsahatra vao haingana toa an’ilay kapitenin’i Togo teo aloha, Emmanuel Adébayor, ilay mpanan-talenta tao afovoanin’ny kianja nizerianina, Jay Jay Okocha, ny kintana ivoarianina, Gervinho. Andrasana toy izany koa ireo kintana fahiny nisantatra laza tany Eoropa toa an-dry Alain Giresse, Laura Georges, Florent Sinama-Pongolle, raha ny fampitam-baovao voaray hatrany.
Nangonin’i J. Mirija
 

Dans la même rubrique

24-mars-2025

Tsotsorimamba hisarahana ny an'ny Barea sy ny Kintana Maintin’i Ghana anio any Maraoka.

Card image cap
24-mars-2025

Maro tamin’ireo mpanohana ny ekipam-pirenena malagasin’ny baolina kitra na

Card image cap