Kitra-Cosafa women cup

vaovao, dia heno izay fa handray anjara any amin'ny Cosafa women cup atsy Afrika Atsimo isika Malagasy. Efa miomana eny Carion ireo mpilalao 23 voafidy. I Théodore Beatrice no notendrena ho mpanazatra ary ny 1 oktobra izao no hihazo an'i Johannesburg ny ekipa. Ny fifaninana moa dia hanomboka ny 4 oktobra ary tsy hifarana raha tsy ny 15 oktobra. Fa araka ny mahazatra dia tonga dia mangoron-damba ireo tsy mivoaka ny vondrona. Ao amin'ny vondrona A no misy ny Malagasy ary miaraka amin'ny Afrika Atsimo, Eswatini ary Malawi.I Afrika Atsimo ihany no tena taolana fa tokony ho afaka isika indrindra raha nitazona ny tena mahay fa tsy manao ptopagandy hoe asiana avy any amin'ny ligy rehetra. Ny zava-misy mantsy dia efa niova ireo heverina ho sangany sady tsy afaka hztramin'izay matoa lasa tompondaka ny Disciples avy any Betafo.Tokony ireo Disciples ireo izany no betsaka fa rehefa tsy izay dia mbola mety ataon'ny olona lalana toy ny mahazatra indray tamin'ny andron'i Malama izay nanome vahana ny mpilalaon'ny Sabotsy Namehana.
Clément RABARY