Marco Ilaimaharitra

Barean’i Madagasikara no nanahy fa tsy afaka hijoro ny avokavoka malagasy, Marco Ilaimaharitra, amin’ity lalao hihaonana amin’ny ekipam-pirenena ganeanina na ny Black star an’i Ghana anio alina amin’ny 10 ora ity noho ny ratra nahazo azy tao anaty fizaram-potoana voalohany raha nihaona tamin’ny Fauven’i Centrafrique ny 19 martsa teo amin’ny andro faha 5 amin’ny fifanintsanana ho any amin’ny dingana famaranan’ny amboara erantany na «Mondial 2026». Efa niverina nanao fanazarantena ny lehilahy, raha ny hita ny sabotsy teo. Tsy tsikaritra teny aminy ny fisiana ratra nahazo azy tamin’ny 5 andro lasa. Miankina amin’ny mpanazatra ihany nefa moa ny safidy ny amin’ny hampijoroana azy na tsia amin’ity alina ity.
J. Mirija