airtel

Sport

27-févr-2025

« SMATCHIN » andiany faha-11

Hangotraka ny fifaninana, oniversite 50 no handray anjara

Sample post image

Nitondra anjara biriky goavana hoan’ny fampitomboana ny lentan’ny Taranja basketball teto Madagasikara

27-févr-2025

hatramin’ny taona 2012 niatombohany ny fifaninanana Smatchin izay andraisan’ireo Oniversite eto madagasikara anjara, raha ny nambaran’ny mpikarakara ity fifaninanana ity omaly nandritra ny fampahafantarana ny Smatcin andiany faha 11. Tany am-piandoahana dia fifaninanan tsotra no nadraisan’ireo mpianatra eny amin’ny ambaratonga ambony ity fifaninanana ity, tamin’izany aza dia ireo mpianatra ihany no manolo-tena manao ny fisoratana anarana fa tsy niditra mihitsy ny sekoly. Hatreo amin’ny andiany faha-5 dia toy izay hatrany. Niditra tamin’ny andiany faha-6 kosa anefa dia nanomboka lasa fotoana ifanomezan’ireo mpitia Basket avy amin’ireo Oniversite mihitsy ity hetsika ity ka tsy mitsahatra mitombo isan-taona ny mpandray anjara. Amin’ity andiany faha-11 ho an’ny taona 2025 ity ary dia ny 8 hatramin’ny 16 Martsa 2025 no hanaovana ny fifaninanana ka nomena ny anarana hoe « XXL SMATCHIN BE CONNECT » noho ny fanohanana feno nomen’ny Orinasa Star amin’ny alalan’ny vokatra xxl sy ny orange Madagascar amin’ny lalan’ny tolotra Be conenect. Toerana telo no handray ireo lalao dia ny Palais de sport, ny kianja mitafon’i Mahamasina ary ny kianja ivelan’ny Barea. Ny 8 htramin’ny 13 Martsa no hanaovana no hanaovana ny fifanintsanana isam-bondrona izay atao ao amin’ny kianja ivelan’ny Barea sy ny kianja mitafon’i Mahamasina. Manomboka ny 14 Martsa ny dingan’ny famaranana ary ny 16 Martsa ny famaranana, izay samy ho atao ao amin’ny Palais de sport avokoa ireo. Marihiny fa oniversite miisa 50 no indray hiara-handray anjara amin’izany, ahitana ekipa 48 ho an’ny sokajy lahy ary 17 ho an’ny sokajy vavy. Heverina fa hiha hangotraka hatrany mazava ho azy ny Smatchin amin’ity izay ho ambohipihaonan’ireo tanora mpilalao sy mpitia basket. Hampiavaka ity andiany faha-11 ity ihany koa ny hisian’ny fifaninanana hafa toy ny : Miss et Mister, Dance Contest, Slam Contest, E-sport ary ny Slam Dunk… fa ampiavaka azy ihany koa ny fisian’ny Mascotte izay mitondra ny anarana hoe SMATCHII hanentanan sy hanafana ny lalao rehetra.
Solotiana sy Pati

 

 


Raikitra ilay lalao ara-panatanjahantena Basket Baolina Smatchin andiany faha-11 hifanandrinan’ireo mpianatry ny Oniversite Malagasy. Oniversite miisa 50 no indray hiara-handray anjara amin’izany, ahitana ekipa 48 ho an’ny sokajy lahy ary 17 ho an’ny sokajy vavy. Ny 08 hatramin’ny 16 martsa ho avy izao no hotanterahina ny fifaninanana ary hizotra amina toerana miisa 3 dia ny Lapan’ny Kolontsaina sy Fanatanjahan-tena etsy Mahamasina, ny Kianja Mitafon’i Mahamasina ary ireo toeram-pilalaovana eo amin’ny Kianjan’ny Barea mandritra ny lalao fifanintsanana isam-bondrona. Heverina fa hangotraka hatrany toy ny isan-taona ! Ny zava-pisotro XXL no miara-dalana amin’ity andiany ity, ilay zava-pisotro mampatanjaka fitaratra eto Madagasikara, manosika ny fahombiazana sy ny ezaka ary manampy amin’ireo fotoana ilàna fahatomombanana sy fahasahiana. Mifanandrify amin’ireo soatoavin’ny marika ireo ny soatoavin’ny Basketball ary mirehareha izy amin’ny maha zava-pisotro ofisialin’ny XXL Smatchin Be Connect azy. Toy izao indray ny fizotry ny fifaninana. Ny 08 ka hatramin’ny 13 martsa ho avy izao araka izany no hatao ny lalao isam-bondrona. Ny 14 Martsa ny ampahefa-dalana , ny 16 Martsa ny antsasa-dalana raha ny 16 Martsa ny famaranana. Hisy ihany koa ny fifaninana isan-karazany toy ny Miss & Mister Smatchin. Ny Smatchin Dance Contest, ny DJ Smatchin Contest, ny Slam Contest izay vaovaobe ho an’ny taona 2025, ny E-sport ahitana Orange X Smatchin 2K25. Ny Ivenco moa no handrindra ny lafin’ny zava-maneno sy ny fampisehoana ara-jiro mandritra izany.
Pati
Legende : Nandritra ny tafa nataon’izy ireo ho an’ny mpanao gazety omaly teny Andraharo !

 

Dans la même rubrique

24-mars-2025

Tsotsorimamba hisarahana ny an'ny Barea sy ny Kintana Maintin’i Ghana anio any Maraoka.

Card image cap
24-mars-2025

Maro tamin’ireo mpanohana ny ekipam-pirenena malagasin’ny baolina kitra na

Card image cap