airtel

Sport

18-févr-2025

Taranja Golf

Kianja iray no nahazo fankatoavana

Sample post image

Nandray ny filohan'ny Federasiona malagasin'ny taranja Golf na FMGolf vaovao,

18-févr-2025

Maminirina Ravatomanga, sy ireo mpiara-miasa aminy ny minisitry ny tanora sy ny fanatanjahantena omaly hariva. Nifampizara ireo vina izay apetraky ny minisitera araka ny toromarika nomen'ny filohan'ny repoblika no tena anton'ity fitsidihana ara-pirahalahiana ity, hoy ny fampitam-baovao voaray. Atao mitovy tantana avokoa ireo federasionina rehetra araka ny nambaran'ny minisitry ny tanora sy ny fanatanjahantena, Marson Moustapha. Niresaka indrindra mikasika ny fomba hahafahan'ny federasionina misitraka ny fanampian'ny fitondram-panjakana rehefa handeha hiaro ny voninahi-pirenena any ivelany ny roa tonta. Araka izany dia tonga nanolotra ny satan'ny federasionina, ny drafitr'asa isan-taona, ny taratasy ahitana ireo mpikambana ao amin'ny biraon'ny federasionina ny FMGolf izay notarihan'ny filohany. Betsaka ny fandaharam-potoana ao anatin'ny 4 taona hoy i Maminirina Ravatomanga. Miankina amin'ny ezaky ny tsirairay avy, hoy izy, izany amin'ny maha taranja iraisampirenena azy. Nasiany resaka koa ny mikasika ny kianja filalaovana izay mbola ilàna fanitarana. Kianja iray no nahazo ny fankatoavana ary ao anatin'ny drafitr'asa, hoy izy, ny fanitarana ireo kianja fanaovana fanazaran-tena, raha ny fampitam-baovao voaray hatrany.
Nangonin’i J. Mirija

 

Dans la même rubrique

24-mars-2025

Tsotsorimamba hisarahana ny an'ny Barea sy ny Kintana Maintin’i Ghana anio any Maraoka.

Card image cap
24-mars-2025

Maro tamin’ireo mpanohana ny ekipam-pirenena malagasin’ny baolina kitra na

Card image cap