Isan'izany i Jex na Faly Angelo no ahafantaran'Ambohimahasoa tany nihaviany. Ny taona 2014 rehefa nahazo ny Mondial du Volcan Clermont Ferrand Frantsa, teo amin'ny olon-droa sy olona telo miaraka izy no niampita tany Frantsa ary tonga hatrany amin'ny famaranana ilay fifaninana betsaka mpandray anjara indrindra eran-tany La Marseillaise. Io no nanokatra ny lalany tany Frantsa satria dia mbola azony koa ny Euro Pétanque tany Nice ny taona 2017. Nipetraka tany Lozère i Faly ka efa nandrombaka ny tompondakan'ity tanana ity teo amin'ny olona telo miaraka sy olon-droa lahy sy vavy. Tena nanakoako tany Frantsa ny lazan'i Jex ary tsy mahagaga ny nifindrany nanomboka tamin'ity taom-pilalaovana ity tao amin'ny Team Passion 2024. Fanamby vaovao izay tsy maintsy ho tanterany satria efa mety ny fiainany ary mety ho azy koa ny tsipy kanetibe.
Clément RABARY
