Tsipy kanetibe

na klioba no mitsipaka ilay fifantenana tany amin'ny Masters sy ireo fifaninana manodidina any Frantsa.Dia nivory ireo klioba ao Analamanga fa mitsipaka ny fomba fifantenana ary dia tsy handray anjara amin'ny fiadiana izay ho tompondakan'i Madagasikara olon-droa miaraka notontosaina ny faran'ny herinandro tena amin'ny kianja Fitatatra eny Atsimondrano. Tsy nipetraka fotsiny anefa ny FSBM fa namory ambadika ireo filohan'ny ligy rehetra ary tapak fa fifantenana ihany no hatao satria izany no takizn'ny federasiona iraisam-pirenena.Setriny dia tsy nandray anjara ny klioba maromaro bahitana ny UBM Ambohitrimanjaka, ny Besady, ny PAC Ampitatafika ary ny ABMI. Raha tsorina dia klioba nahazo avaram-patana ireo fony nitondran'i Amir Andriamilerovason ary izay no somary manahirana kely. Rehefa tsy maintsy izay tapakin'ny FIPJP moa no arahina dia mazava koa ny fangatahan'ny mpilalao mba atao mandava-taona taona ny fifantenana ary tsy apetraka amin'ny DTN intsony izay olona tsy nahazo fifaninanana akory gatramin'izay. Tokony fikambanan'olona maromaro no manao izany mba tsy ahatongavana amin'ny zava-misy amin'izao any Frantsa izay tsy tazana ry Havana, Hery Monde sy Baloti ary Tsetse fa toa ry Zigle, Bruno ary Tiana kely indray no mandravarava. Na ireo nahazo ny Amboaran'i Madagasikara farany nahita an'i Yves, Hery Morondava sy Donald izay tsy nandalo sivana aza tena mahavita rehefa any. Ny dikan'izany rehetra izany dia tsy ny sivana no ratsy fa tsy ahitana ny tena mafy ny telo andro nolaniana tany Antsirabe.
Clément RABARY