Fahavoazana lehibe no nahazo ity fianakaviana ity satria vao herinandro vitsivitsy izay no maty koa ny zokiny,dia tsy iza fa i Henri Roger izay tompon’andraikitra teo anivon’ny kaompania Air Madagasikara. Very olomanga i Betafo, tany niaviany fa very mpitarika mahay koa ny tsipy kanetibe malagasy . Vao tsy ela akory izay dia nandrombaka ilay fifaninanana nokarakarain' ny filoha Rajoelina izy teo alon'ny sokajy zokiny. Fa n'y tena nanamarika ny zava-bitany fony izy nitondra ny federasiona dia ny naha tompondaka lefitra ny ekipa nentiny tany Izmir, Torkia. Resin'ny Frantsay teo amin'ny famaranana i Dolys, Nanou, Bema ary Tiana Tonnerre. Tena mpitondra mahay raha i Gérard Naturel fa izay angamba no lahatra izay manamarina ny fomba fiteny frantsay hoe ny olatra tsara ihany no hohanina. Mandria am-piadanana Prezida.
Clément RABARY
