Sport

ampihimamba ny fifaninana satria izy no voahositra ho tompondaka 2023 teo amin'ny lahy sy vavy Teo amin'ny vehivavy aloha dia tsy nahita afitsoka mihintsy ny Stef'Auto fa dia resy seta 3 noho 0. Teo amin'ny lehilahy no mba nanohitra kely ny ASI avy eny Itaosy saingy vetivety dia sarona tanteraka ary niondrika tamin'ny seta 1 noho 3. Azo antoka izany fa ireto GNVB ireto indray no maro handrafitra ny ekipam-pirenena roa mandritry ny Lalaon'ny Nosy. Raha izay anefa no izy dia ho sarotsarotra ho an'ny Malagasy ihany ny hibata ny medaly volamena satria raha mbola ry Andry Be sy Mamizara no entina miady dia efa lanin'ny olona tsianjery ireny. Asa aloha fa miankina amin'ny fahaiza-manao ny Tale Teknika Nasionaly, Honoré Razafinjatovo ny baolina. Mila manova paikady mantsy miampy fanazarantena tena matotra toy izao ataon'ny Zandary mahafoy vola sy harena izao.
Clément RABARY