.jpg)
tontolon’ny varotra sy ny « Service ». Nikaroka foana ny fomba hoe : ahoana ny hanatsarana sy hifehezana ilay sehatra sy hamoahana matihanina amin’io, ka namorona programa vaovao « Kentia Sales Mastery » izany hoe : fifehezana ny fahaiza-manao matihanina amin’ny ara-barotra sy ny tolotra manodidina izany, izay nampahafantarina ofisialy omaly. « Te hanao tolotra tokana satria ny atao hoe : fiofanana ara-barotra dia ny fahaizana mihaino, misy zavatra tadiavin’ny olona. Mifamatotra amin’ny haitarika, firesaka, mahavaly ny filan’ilay olona, ny tolotra tadiaviny, ka ho matihanina amin’izany no tanjona », hoy Atoa Prosperin Tsialonina Filoha Tale Jeneralin’ny Kentia Holding. Fahafehezana ny vokatra sy ny varotra amin’ny sehatra iasany aloha ny 60% amin’ny fiofanana, fa 40% kosa dia teknika sy fahaiza-manao ara-barotra azo hitarina sy ampiharina any amin’ny sehatra maro samihafa. Olona 15 no afaka hisitraka io fiofanana io, ka azo ampiharina avy hatrany izay ianarana. Ny 5 mendrika indrina amin’ireo dia horaisina ho mpiasa hanamafy ny fahaiza-manao ao amin’ny Kentia mandritra ny 3 volana, ary hiafara amin’ny maha mpiasa raikitra. Ny bakalorea aloha sy ny finiavana no isan’ny mason-tsivana. Nisokatra omaly ao amin’ny rohy www.kentia-formation.com/kentia-sales-mastery ny fisoratana anarana, ary mikatona ny 29 febroary. Hanomboka avy hatrany 06 martsa avy hatrany ny fampiofanana 12 herinandro, isaky ny alarobia. Handalina mikasika ny zavatra ataon’ny orinasa, ny sehatra iasany, ny mpiara-miombon’antoka sy mpanjifany, ny kalitaon’ny tolotry ny orinasa,… Hisy avy eo ny mpampiofana matihanina amin’ny sehatra ara-barotra. Manao tantsoroka ho an’ny orinasa sy ny mpandraharaha ny Kentia ka raisiny an-tanan-droa na vahiny na Malagasy, hoy Atoa Prosperin Tsialonina. Ohatra noraisiny ny « package complet » ho an’ny vahiny te hanorina orinasa eto, toy ny fanamorana ny fahatongavany, ny fandraisana azy eto, ny ara-taratasy, fiaraha-miasa amin’ny EDBM, fampahafantarana ny lafiny ara-ketra izay tsy mitovy isaky ny firenena, hatrany amin’ny fitadiavana mpiasa na « recrutement »,…
Toky R
