Lalàna momba ny 10.000 Euros

an'i Madagasikara ho 10.000€ tamin’ny taona 2021, hoy ny fikambanan’ireo mpandraharaha malagasy mpanafatra entana any ivelan’i Madagasikara, nanamafy ny fitarainan’izy ireo omaly. Tsy mbola nisy mpamotsy vola tratran'io lalàna io aloha fa ireo mpandraharaha malagasy madinika mpanafatra entana no lasibatra sy mitondra faisana, hoy ny fanambaran’izy ireo. Tokony hojeren'ny fitondram-panjakana akaiky ny momba io lalàna io fa miteraka olana betsaka ary sakana ho an'ny fampandehanana ny toekarem-pirenena. Mpandraharaha malagasy mpanafatra entana any ivelany iray no tratra nitondra vola nihoatra an’io fetra io teny Ivato farany teo dia nogiazan’ny fadin-tseranana avokoa ny volany ary niala maina izy, hoy ny mpandraharaha, Randriamampionona Joseph Martin na Dadafara. Maneran-tany, hoy izy, tsy misy izany lalàna mametra vola entina izany fa fanaraha-maso ho fiarovana na «contrôle de sécurité» no atao. Ny hiditra ao amin’ilay firenena no mila manao fanambarana raha mihoatran’ny 10.000 Euros ny any aminy. Ny ao Sina izao akana 5% izany raha nanadino ny nampahafantatra azy. Natao ho ana mpizahantany fa tsy mpampiasa vola izany 10.000 Euros izany. Ny anay izao tamin’ny fiandohan’ny jolay 2024 teo, ny ofana kaontenera fotsiny no efa 8000 Euros. Izao vao nidina ho 6500 Euros. Inona izany no tombom-barotra ho azo raha toa ka 10.000 Euros fotsiny no avela hiantsenana? Ny fakan’ny fadin-tseranana manontolo ny volan’ilay mpandraharaha rehetra tratra mitondra mihoatra an’io fetra io ve tsy efa fandrobana? Zaraina amin’iza izany ilay volan’ilay olona tratra avy eo, hoy hatrany ny fitarainan’i Dadafara sy ireto mpandraharaha niray feo taminy ireto?
J. Mirija